შინაგან საქმეთა მინისტრის ახალი კანდიდატურა შერჩეულია, აცხადებენ მთავრობის წევრები, თუმცა დეტალებს არ აკონკრეტებენ და ამბობენ, რომ მის ვინაობას პრემიერი დაასახელებს.

ირაკლი ღარიბაშვილი ახალ მინისტრს, როგორც თავად განაცხადა პირველ აგვისტომდე წარადგენს. მანამდე კი მის მოვალეობას ისევ ვახტანგ გომელაური შეასრულებს, რომელიც ერთი კვირის წინ პარლამენტმა უსაფრთხოების სამსახურის ხელმძღვანელად დაამტკიცა 6 წლის ვადით.