ბიძინა ივანიშვილთან დაახლოებულ კომპანია „ბიზნესდეველოპმენტს“ ბათუმის ბოტანიკური ბაღის სანაპირო ზოლსა და მწვანე კონცხის ნაწილზე მიწის ნაკვეთები გადაეცა. საკითხს ბათუმის საკრებულოს სხდომაზე განიხილავდნენ.
საკრებულოს 11-მა წევრმა მხარი დაუჭირა მიწის ნაკვეთების აჭარის მთავრობისთვის გადაცემას, რომელმაც თავის მხრივ, კომპანიას გადასცა ტერიტორია.
„ბიზნესდეველოპმენტს“ ბოტანიკური ბაღის სანაპირო ზოლის 6300 კვ. ტერიტორია იჯარით, 49 წლიანი სარგებლობის უფლებით გადაეცა, ბოტანიკური ბაღის მიმდებარედ, არასასოფლო-სამეურნეო დანიშნულების 1500 კვ.მ-მდე მიწის ნაკვეთი კი, პირდაპირი მიყიდვის წესით.
ოპოზიცია ტერიტორიის ივანიშვილთან დაახლოებული კომპანიისთვის გადაცემას აპროტესტებდა. ხმის მიცემამდე, საკრებულოს სხდომაზე ხმაურიც იყო.
